مفيش تفسير للي حصل معايا ابدا
وده فعلًا الي عملته ، بدأت الاحظ ان مروة مش بس مش بتاكل معايا ، دي مش بتاكل اصلًا !! نظراتها ليا لما بتطول في النظر بتكون مرعبة ، بشرتها كل وقت والتاني بتتغير للون شاحب ، انا مش ببالغ ،انا أحيانا بحس انها م،يتـة الموضوع قلب معايا بخو،ف ، بل بر،عب لما بتقرب مني ، لحد لما اكتشف التصرف الي بيحصل منها كل ليلة ، تعمدت إني احط راسي على المخدة واعمل نفسي نايم ، و.. لقيتها مجرد ما تشوفني نمت بتقوم تقعد على السرير بنفس الطريقة الي كنت بشوفها بيها لما كنت بقلق احيانا في نص الليل
قاعدة باصة قدامها زي التمثال مش بتتحرك ، مش بترمش ، مبرقة وفاتحة عيونها على الاخر ، كنت ببص عليها بجنب عيني من غير ما تاخد بالها اني صاحي ، فضلت على الوضع ده لحد الصبح ، لحد لما المنبه رن وانا عملت نفسي اني كنت نايم وبصحي، عشان تنزل دماغها بسرعة على المخدة وتعمل نفسها نايمة !!
٣ ايام كاملين بيتكرر نفس الموضوع ، ماكنتش بنام ولا عيني بتغمض من الخو،،ف ، ديه مش بشر ، التصرفات دي مش تصرفات انسان ، نايم على السرير جنبها جسمي بيتر،عش ،لحد ما قررت اروح لحماايا الي هو أبوها ، احكيله الي بيحصل ويشوف حل او يمكن عنده فكرة عن تصرفات بنته ، انا مستغرب ازاي خطبتها سنة كاملة مكنش بيبان عليها اي حاجة غريبة !!
خلصت شغلي ، وطلعت من بره بره علي بيت حمايا، ركبت الاسانسير الي بيطلعني شقته في الدور الرابع ، عشان تحصل معايا حاجة مر،،عبة ، كنت راكن بضهري على المرايا الي بتبقي في الاسانسير وعمال افكر في الي بيحصل من رضوي وتصرفاتها الغريبة ، بفتكر شكلها وعيونها الي أحيانا بتكون مر،،عبة لحد ما قطع تفكيري احساس حرارة قوية في ضهري لدرجة اني بعدت بسرعة من الألم الي كان أشبه بحد بيلسعني بالنار ، بصيت على المرايا عشان اشوف ايه سبب الحرارة الي طالعة منها ديه ، عشان اشوف رضوي مراتي !!!!!!!
رضوي في المرايا ماشية كأنها في ممر بتقرب ناحيتي ، نص وشها كأنه محرو..ق.والجلد واقع منه وعينيها بيضة بنفس المنظر الي شوفتها بيه قبل كده ، ماشية جوه المرايا وليها رجل قصيرة ورجل طبيعية ، بتمشي كأنها بتعرج شكلها م،خيف!! فضلت مبرق بعيني حاسس إني بحلم ، عمالة تقرب كأنها هتخرج من المرايا وانا من الصد،مة واقف مكاني مبرق مش قادر اتحرك ، بنهج بس ، ركبي عمالة تخبط في بعض ، عاوز اقول قرآن بس حاسس ان لساني تقيل مش قادر اتكلم ، بس فجأة الاسانسير وقف كان وصل الدور الرابع .
