مفيش تفسير للي حصل معايا ابدا
مروة مراتي بقت ست غريبة اوي !!
لا هي مش بقت هو من وقت ما اتجوزنا من شهر فات وهي فعًلا غريبة جدا في كل تصرفاتها !!
التصرفات دي مش طبيعية والي اكدلي إن هي مش طبيعية لما شوفتها واقفة فوق وبتبصلي بالشكل ده !! انا لولا صورتها الصورة دي كنت قولت إن دي تهيؤات !!
احيانا بصحي في نص الليل بلاقيها قاعدة جنبي على السرير باصة قدامها مش بترمش !!! بشرتها بتتحول لـ بشرة شاحبة زي الميـ..تين ، هي اصلا بتبقي زي الانسان المـ،يت لكن بعيون مفتوحة !!
الموقف ده اتكرر اكتر من مرة ، ولما بسألها أنتي ايه مصحيكي وقاعدة كده ليه ؟ بتلف وشها ناحيتي بهدوء وتبصلي وتبتسم من غير ما تتكلم وبعدين تحط دماغها على المخدة وتنام !! الموقف كان غريب ،بحاول اوهم نفسي إن انا الي بيتهيألي ، خصوصًا لما بفاتحها في الموضوع بتنكر ، بس بعد المنظر الي شوفتها بيه وهي بتبصلي انا مبقتش مطمن !!
والغريب انا من يوم ما اتجوزتها مش بتقعد تاكل معايا ابدًا ، كنت بقول يمكن لسه مكسوفة و مش متعودة عليا رغم ان ده مش طبيعي ،بس قولت اسيبها على راحتها شوية .
بدأت اربط الأحداث ببعض ،افتكرت اليوم الي صحيت فيه من النوم على صوت راجل بينادي عليا بأسمي ، كان صوته تخين وخشن بطريقة مش معقولة،اول لما فتحت عيني شوفت رضوي مراتي الي قدامي !!
انا مش بكدب ولا بيتهيألي ، هو ده اللي حصل فعلا ، عينيها كانت بيضة كلها ، قومت اتفزعت من على السرير فضلت ادعك في عيني ، بس لقيتها رجعت طبيعية ، سألتني مالك اتخضيت كده ليه ، بس صوتها كمان رجع طبيعي !!
ساعتها كنت فاكر اني كنت بحلم او الي سمعته وشوفته كانت تهيؤات زي الي بتحصل لأي حد اول ما يفتح عينيه خصوصًا لو صاحي بعد عدد ساعات نوم قليل ، بس لاء .. الموضوع مش كده ،مش معقول كل ديه صدف او تهيؤات كنت عمال افكر مش لاقي تفسير، هل ده مرض نفسي مثلا؟.. بس ازاي هو فيه مرض ليه الأعراض الغريبة دي !! بس ليه لاء، كلمت واحد صاحبي دكتور ،انا عارف ان ده مش تخصصه بس كنت اسمع إن في كلية الطب بيدرسوا كل التخصصات او على الأقل عنده خلفية
كلمته قالي إنت محتاج انك تتواصل مع دكتور نَفسي لأنه اول مره يسمع بالأعراض ديه ، لدرجة انه شك إني بهلوس او بيتهيألي ونصحني اريح اعصابي شوية لو فيه حاجة موتراني ، قفلت معاه وقررت إني الفترة الجاية أركز كويس أوي مع كل تصرفات مروة من غير ما تحس بـ ده، منا لازم افهم إيه الي بيحصل
