اسكريبت مريم

شريف:

تفتكري أنا هرضاها ليكي تلبسي فستان جاي لواحدة غيرك

 

مريم:

ودي تفرق في أيه إذا كان أخدت عريسها وفرحها

 

شريف:

مريم بلاش تخليني أزعل منك حابة ترفضي وتمشي أنا هتصرف بس أنا بقدم ليكي فرصة عمرك علي طبق من دهب حبيبيك يا مريم هيكون ليكي

 

مريم:

موافقة

 

شريف:

ماشي يا حبيبتي فستانك اختاري الصورة إلي تعجبك وبكره الصبح هيبقي عندك أنا كنت هوصي الأتليه يبعتوا افضل فستان عندهم

 

مريم:

تمام إلي حضرته شايفه اعمله

 

 

في المساء

 

شريف:

عامل ايه يا حبيبي

 

أحمد:

كويس

 

شريف:

طالما كويس صاحي ليه لغاية دلوقتى يا عريس

 

أحمد:

هههههههههههه عريس

 

شريف:

ايوة عريس وسيد العرسان كمان يا أبني

 

أحمد:

عريس وسيد العرسان مممم طيب العروسة

 

شريف:

مالها

 

أحمد:

هي فين

 

شريف:

موجودة

 

أحمد:

بجد لحقت في كام ساعة تلاقي عروسة

 

شريف:

العروسة موجودة طول عمرها وقدام عينك كمان

 

أحمد:

موجودة طول عمرها قدام عيني

 

شريف:

ايوة يا حبيبي

 

أحمد:

ودي تبقي مين أن شاء الله

 

شريف:

مريم

 

أحمد:

نعم الخدامة عايزني اتجوز خدامة

 

شريف:

الخدامة زي ما بتقول متربية أحسن تربية ومتعلمة احسن تعليم وهتبقي دكتورة في الجامعة كمان

 

أحمد:

اه بس في الاول والاخر خدامة عندنا

 

شريف:

ودي إلي هتصونك يا أحمد وهتشيلك فوق رأسها كمان

 

أحمد:

هههههههههههه ضحكتني والله هتعمل كده أكيد مش بفلوسي

 

شريف:

فلوسك أنت فاكر أنها أخدت مني فلوس عشان اتجوزك

 

أحمد:

ما هو يا آما أخدت فلوس منك عشان توافق تتجوزني يا اما عشان تعوض إلي عملناه معاها

 

شريف:

مش يمكن بتحبك وعشان كده وافقت تتجوزك

 

أحمد:

هههههههههههه وافقت تتجوزني عشان بتحبني ضحكتني والله يا بابا الصراحة

 

شريف:

ضحكتك ليه دي الحقيقة فعلاً

 

أحمد:

بابا مش عايز أسمع حاجة لو سمحت أنا مش موافق شوف واحدة غيرها تبقي بنت ناس

 

شريف:

لا هتسمع وغصب عنك هتتجوز مريم يا أحمد مالها ما هي بنت ناس كون أن أمها كانت شغالة عندنا ده شئ ميعبهاش بالعكس الست كانت بتشقي وتتعب عشان تربي بنتها والأهم مريم متربية هنا علي إيدنا وايد أمك الله يرحمها ولا مش واثق في تربية أمك كمان

 

أحمد:

أنا مقولتش حاجة علي تربيتها الناس بتقول ايه بكره في الفرح بدل ما الناس يحضروا فرحي علي ساندي هيحضروا فرحي أنا والخدامة