فاتورة سبأ ابني
أول ما نهى شافتهم، لون وشها اتغير. واحد من الضباط قرب وقال مين اللي قدم البلاغ؟ رفعت إيدي. أنا. طلعت بطاقتي، وشرحت له الموضوع من البداية. الفاتورة. اسم آدم. المبلغ. المكالمة. والرسالة اللي اتبعتت لجروب الشركاء. الضابط طلب يشوف الفاتورة. اديتهاله. قرأها بتركيز. وبعدين سأل مين المسؤول هنا؟ نهى تقدمت.
الضابط طلب يشوف الفاتورة. اديتهاله. قرأها بتركيز. وبعدين سأل مين المسؤول هنا؟ نهى تقدمت. أنا مديرة المكان. قال عايز أشوف سجل الدخول والخروج للعميل المذكور في الفاتورة. قالت طبعًا. لكن صوتها ثابت. الضابط قال وكمان تسجيلات الكاميرات من الساعة تمانية مساءً لحد الساعة واحدة صباحًا.
نهى قالت التسجيلات فيها خصوصية عملاء. الضابط بص لها حضرتك بتتكلمي مع الشرطة دلوقتي. سكتت. هاتي التسجيلات. اضطرت تشير لموظف واقف جنبها. هات جهاز التسجيل. بعد حوالي عشر دقايق، رجع الموظف. لكن قال التسجيلات مش موجودة. الضابط عقد حواجبه.
مش موجودة إزاي؟ حصل عطل في جهاز التسجيل. بصيت لطارق. هو ابتسم ابتسامة خفيفة. قال عطل حصل إمتى؟ الموظف بص لنهى. نهى ردت بسرعة من امبارح. طارق سأل يعني الكاميرات كانت بايظة قبل الواقعة؟ أيوه. قال طب إزاي عرفتم إن آدم دخل المكان؟ نهى سكتت.
الضابط بص لها سؤال وجيه. بدأت تتلخبط. إحنا… عندنا موظفين شافوه. الضابط قال مين؟ أشارت لسارة. سارة ارتبكت. هي. الضابط بص لسارة إنتِ شوفتي الطفل؟ سارة فتحت بوقها. وبعدين قالت لأ. نهى شهقت إيه؟ سارة بدأت ټعيط. أنا ما شفتش الطفل. الضابط سألها طيب شوفتي مين؟ سارة بصت للأرض.
راجل. المكان كله سكت. نهى قالت بعصبية سارة، كفاية! لكن الضابط رفع إيده محدش يقاطعها. وبعدين سألها الراجل ده كان فين؟ قالت في جناح رقم 7. وكان معاه مين؟ اتنين رجالة. تعرفيهم؟ لأ. حد طلب منك تقولي إنهم ابن مدام مريم؟ سارة سكتت. الضابط كرر السؤال.
وبصوت مهزوز قالت أستاذة نهى هي اللي قالت لنا. نهى اڼفجرت أنا ما قلتش كده! طارق ضحك بهدوء. واضح إن القضية فعلًا مٹيرة. بصيت لنهى. لأول مرة شفت الخۏف الحقيقي في عينيها. لكن لسه فيه حاجة ناقصة. مين الراجل؟ ومين اللي ډخله؟
وليه استخدم اسم آدم؟ الضابط طلب سجل الحجوزات. الموظف جابه. فتح السجل. جناح رقم 7 كان محجوز باسم مريم الشاذلي. قلبي اتقبض. بصيت للضابط. قال إنتِ حجزتي الجناح ده؟ قلت فورًا لأ. متأكدة؟ متأكدة. فتح الصفحة. الحجز كان معمول من تلات أيام.
