لورا كانت واقفة في البلكونه

ثواني مش مصدق، عينه جت في عينها وكل حاجة رجعت في لحظة، اول مرة مسك ايدها واول مرة قالها بحبك تحت شجرة التوت اللي في الجنينة. مالك حس ان في حاجة غريبة، قرب من لورا وقال لها انتي كويسة، لورا مكنتش قادرة ترد، اياد قطع الصمت وقال ازيك يا لورا، صوته كان هو هو نفس الصوت اللي كانت بتحلم بيه كل يوم. سدن قام وقال انت تعرف بنتي منين يا ابني، اياد بلع ريقه وقال انا اياد يا عمي، اياد اللي كان ساكن هنا جنبكم، ميرنا صوتت وقالت اياد، انت اللي عملت في بنتي كده ورجعت دلوقتي ليه، الناس كلها بقت تتهمس. المأذون سكت والجو اتكهرب، مالك بص لاياد من فوق لتحت وفهم كل حاجة من نظرة لورا، الراجل اللي وجعها اربع سنين رجع يوم كتب كتابها، اياد قال انا عارف اني غلطت بس والله غصب عني، اول سنتين برا اتمرمطت واشتغلت في مطعم وكنت بنام في الشارع، التليفون ضاع مني وكل حاجة ضاعت، وبعدين بدأت اشتغل وربنا كرمني وفتحت شركة مقاولات صغيرة وكبرت، كنت عايز ارجع وانا راجل اقدر اتجوزها وارفع راسها. لورا دموعها نزلت غصب عنها وقالت له وسبتني ليه اربع سنين اموت كل يوم، كنت بموت يا اياد، انت عارف يعني ايه استناك كل ليلة وانت مش موجود، اياد قرب خطوة وقال عارف وكل يوم كنت بموت زيك واكتر، بس كنت بخاف ارجع وانا فاشل. مالك كان ساكت طول الوقت، وبعدين قال بصوت هادي بس مليان وجع يا جماعة احنا عندنا كتب كتاب، لو في حسابات قديمة تتصفى بعدين، سدن قال عنده حق، اياد انت جاي تشتري البيت، امضي واتكل على الله، احنا مش عايزين مشاكل النهاردة. اياد بص للورق اللي معاه وبص للبيت وقال انا مش جاي اشتري البيت عشان اطردكم، انا عرفت من زاهر ان بيتكم معروض للبيع من شهر، ولما عرفت العنوان جيت بنفسي عشان اشوفه، مكنتش اعرف انه بيتكم انتو، انا جاي اشتري عشان احافظ عليه مش اهده، الشركة كانت هتاخده تعمل مكانه مول، بس انا هاشتريه واسيبه زي ما هو. لورا كانت بتبص له ومش مصدقة، اياد كمل وقال ولو عايزين

تفضلوا فيه افضلوا، البيت بيتكم، انا مش عايز فلوس ولا عقود، انا عايز بس لورا تسامحني. مالك حس ان الارض بتلف بيه، هو اللي شال الليلة كلها سنين وفي الاخر اللي وجعها هو اللي بقى البطل، بس هو راجل متربي، قال للورا يا لورا القرار قرارك، انا عمري ما هغصبك على حاجة، لو لسه بتحبيه انا هبعد وافضل ابن عمك وسندك طول العمر، ولو اخترتيني هنكتب الكتاب دلوقتي وننسى اللي فات. لورا كانت بين نارين، نار حب قديم لسه عايش جواها ونار راجل وقف جنبها لما الدنيا كلها سابتها، بصت لامها ميرنا اللي كانت بتعيط وبصت لابوها سدن اللي كان تعبان وبصت لمالك اللي عينه كلها حب وخوف، وبصت لاياد اللي راجع ندمان وشاري عمره كله وجاي يقولها انا رجعت. سكتت كتير والبيت كله ساكت، حتى صوت المعالق في المطبخ سكت، لورا اخدت نفس عميق وقالت انا مش هكدب، انا حبيت اياد اوي ووجعي منه لسه جوايا، بس الوجع ده علمني يعني ايه راجل بجد، الراجل مش اللي بيحب ويهرب، الراجل اللي بيفضل وقت الشدة،