سواق الامن
قال كريم: “موته كان أول كذبة بعد كذبة وفاة جيهان.”
سكتُّ.
وبعدين قلت: “وجيهان؟”
كريم نزل عينيه.
“جيهان كانت بتحاول ترجع لك من سنين.”
“وأنت منعتها؟”
“أنا حاولت أحميها.”
“ليه كانت بتظهر كأنها مراتك؟”
هنا لأول مرة كريم ما عرفش يجاوب.
فضل ساكت.
فصرخت:
“جاوبني!”
رفع عيني.
وقال:
“لأن الحقيقة كانت أخطر من إنك تعرفيها.”
وفي اللحظة نفسها، باب المخزن اتفتح بعنف.
ودخلت جيهان.
لكنها ما كانتش لابسة الفستان ولا الكعب.
كانت لابسة هدوم بسيطة.
وشعرها مربوط.
وملامحها منهارة.
بصتلي.
وعينيها اتملت دموع.
وقالت:
“إلهام…”
سكتت لحظة.
وبعدين قالت:
“أنا آسفة.”
قلت:
“على إيه؟”
قربت مني.
“على إني خليتك تكرهيني.”
هزيت راسي.
“أنا مش فاهمة حاجة.”
قالت:
“لأن اللي كريم مخبيه عنك… مش عن الماضي.”
وقفت قدامي مباشرة.
“عن فريدة.”
اتجمدت.
“مالها فريدة؟”
جيهان بصت لكريم.
كريم غمض عينيه.
وجهان قالت:
“فريدة مش بنتك يا إلهام.”
انفجر الصمت في المكان.
وأنا بصيت لكريم.
لكنه ما أنكرش.
بس قال جملة واحدة…
“فريدة بنت جيهان.”
ما سمعتش غير آخر جملة.
“فريدة بنت جيهان.”
فضلت أبص لكريم، وبعدين لجيهان، وبعدين أرجع أبص لكريم.
كنت مستنية حد يضحك ويقول لي إن دي مسرحية سخيفة.
لكن محدش ضحك.
صرخت:
“إنتوا بتقولوا إيه؟!”
جيهان بدأت تعيط.
“إلهام، اسمعيني…”
“متقوليش اسمعيني! أنا سمعت كفاية!”
اتجهت ناحية كريم.
“فريدة بنتي!”
قال بهدوء: “أنا عارف.”
“أنا اللي ربيتها!”
“عارف.”
“أنا اللي حملتها تسع شهور!”
هنا كريم سكت.
ضحكت وأنا بعيط.
“إذن إزاي تقول لي إنها مش بنتي؟”
جيهان مسحت دموعها وقالت:
“لأنك حملتيها مكانّي.”
وقفت.
الجملة دي كانت أغرب من كل اللي سمعته.
قلت: “يعني إيه؟”
جيهان قربت.
“في اليوم اللي حصل فيه الحادث… كنت أنا حامل.”
بصيت لكريم.
“وإنت كنت عارف؟”
هز راسه.
“كنت عارف.”
“والطفلة؟”
جيهان قالت:
“اتولدت وأنا مستخبية. لكن الناس اللي كانوا بيدوروا عليا كانوا عارفين إني حامل. لو عرفوا إن بنتي اتولدت، كانوا هيستخدموها عشان يوصلوا لي.”
قلت:
“فإنتِ اديتيها لي؟”
هزت راسها.
“كريم أخدها منك؟”
كريم رد:
“لأ.”
وبصلي.
“أنتِ كنتِ فاكرة إنك ولدتِ فريدة.”
رجعت خطوة.
“فاكرة؟”
قال: “لأن الولادة نفسها كانت جزء من الخطة.”
حسيت الدنيا بتلف.
“إنت عايز تقول إني ما ولدتش بنتي؟”
جيهان قالت بصوت مكسور:
