ليلي فرحي

..وفي اللحظة دي، اكتشفت إن اللي حصل الليلة دي ماكانش مجرد إهانة عابرة…كان جزء من خطة متحضرة من قبل الفرح بوقت طويل.والأخطر من كده…إن اسمي أنا كان مكتوب جوه الملف.لكن مش بالاسم اللي أهل كريم يعرفوه.كان مكتوب باسمي الحقيقي.

..نادين رأفت المصري.والسر اللي كنت مخبياه عن كريم وعيلته، واللي كنت فاكرة إني مخبياه عشان أحمي جوازي…كان هو نفس السر اللي هم كانوا بيدوروا عليه من شهور.رفعت عيني عن الشاشة، وهمست لنفسي:

— يا نهار أبيض… هما كانوا عارفين أنا مين؟وساعتها فتحت الملف اللي بعده…وكان جواه أول دليل على إن جوازي من كريم من البداية ماكانش صدفة.

فتحت الملف التاني وإيدي بتترعش، ضوء الشاشة الأزرق كان ضارب في وشي وسط ضلمة العربية. الملف كان عبارة عن عقد تنازل متأرخ من ست شهور… عقد بيع وشراء لأرض أبايا الله يرحمه في التجمع، الأرض اللي المفروض إنها تحت التحفظ العقاري ومحدش يعرف عنها حاجة إلا أنا ومحاميتي.

اسم المشتري في العقد كان “كريم عبد الحميد”، وبصمة التوقيع كانت بصمتي أنا… بصمة مزورة، معمول لها سكان بصورة احترافية من توكيل قديم.

المفاجأة ماكانتش بس في العقد، كان فيه ملف صوتي مدته عشر دقائق. دوست على زرار التشغيل والصوت طلع نقي جداً من سماعات العربية… صوت حماتي سعاد وهي بتتكلم مع كريم بصوت واطي ومخطط:

“البنت فاكرة نفسها أذكى مننا يا كريم، فاكرة إن اسمها المستعار اللي دخلت بيه الشركة وهي بتشتغل معاك هيحميها.. هي فاكرة إننا ما نعرفش إنها بنت رأفت المصري الوحيدة ووريثته السرية.”
رد كريم بصوت فيه جشع واطي:
“يا أمي العقد ده لو اتقيد في الشهر العقاري بعد الفرح بيومين، الأرض هتتنقل باسمي فوراً بصفتي الزوج والشريك الشرعي.. هي مش هتقدر تتكلم ولا تبلغ، لأنها لو بلغت هتنكشف هويتها الحقيقية والمشاكل اللي كانت هربانة منها من عيلة أبوه هتفتح عليها أبواب جهنم.”
سعاد ضحكت ضحكة جافة:
“عشان كده لازم تكسر عينها من أول ليلة.. جردل الهدوم ده مش غسيل يا كريم، ده الكارت اللي هنعرف بيه هي هترخس وتستسلم ولا لسه فاكرة نفسها بنت رأفت المصري. لو سكتت وغسلت، يبقى العقد هيتم بنعومة وناخد الأرض. لو اتنططت، تضــ,,ـــــربها وتهينها وتجيبها تحت جزمتك عشان تعرف إن مالهاش ظهر.”
دموعي اللي حبستها طول الليلة نزلت مرة واحدة، مش ضعف، لكن من صدمة البشاعة. هم كانوا مرتبين كل حاجة.. الضــ,,ـــــرب، الإهانة، جردل الغسيل، حتى التمثيلية بتاعة الحب اللي عشتها مع كريم سنتين كاملين في الشركة، كل ده كان مجرد مسرحية عشان يوصلوا لأرض قيمتها مئات الملايين.