ملاذ 1
” حلوة الصيدلة جدا ..”
قالها داعما إياها في رغبتها لتبتسم بسعادة …
سمعا صوت جرس الباب يرن فنهض أمير لفتحه ليجد كرم أمامه ، رمقه بنظرات جامدة قبل ان يخرج إليه ويغلق الباب خلفه .
هتف كرم بإحراج :
” مش هتقولي اتفضل ..؟!”
رد أمير بحدة :
” لا مش هقولك ، خير ..؟ عايز ايه ..؟!”
أجابه كرم بخفوت وخجل شديدين :
” انا جيت عشان أعتذرلك ، انا والله ما كنت اعرف انوا ماما جايبة مراتك بتشغلها عندنا ، هي بس طلبت مني أروح أبلغك بالكلمتين دول وأنا نفذت ..”
عقد أمير ذراعيه أمام صدره وقال :
” ودي خطة جديدة منكم ولا ايه ..؟!”
زفر كرم أنفاسه بضيق وقال :
” يا أمير انت مش واعي للي بتعمله .. دي وحدة كانت بتشتغل خدامه عندك .. انت واعي للي بتقوله ..؟!”
صاح أمير بها بتحذير :
” لحد تالا وتلزم حدودك يا كرم ، دي مراتي ، عارف يعني ايه مراتي ..؟!”
نظر إليه كرم بضيق قبل أن يهتف ببرود :
” بس خدامة وماضيها هيفضل ملاحقها يا أمير وانت من حقك تكون ام اولادك ست ليها ماضي نظيف ..”
رد أمير بقرف منه ومن تفكيره :
” انا مش مصدق طريقة تفكيرك .. هي تالا كانت بتعمل ايه بالضبط ..؟! دي كانت بتشتغل شغلانه شريفة .. شغلانه تحمي سمعتها وشرفها ..
بس هي طبعا مش هتعجبك لانها مش زي الصايعات اللي انت بتعرفهم ..”
” انا جيت عشان أعتذر بس واضح إنوا وجودي غير مرغوب فيه ، عن إذنك ..”
قالها كرم وهو ينسحب من المكان تاركا أمير لوحده والذي رن هاتفه بعد لحظات بإسم فراس ..
أجاب على الإتصال وهتف به بنبرة متعبة :
” اهلا يا فراس ، خير ..؟!”
أجابه فراس بجدية:
” لقيت ابن عن مراتك يا أمير ..”
يتبع
الفصل السابع عشر
” هو فين ..؟!”
سأله أمير بعصبية مكتومة ليرد فراس بجدية :
” تمام هديهولك .. بس احكيلي ، انت عايزه فإيه ..؟! ”
زفر أمير نفسه بضيق وقال ببرود :
” هبقى احكيلك بعدين .. المهم اديني العنوان ..”
أعطاه فراس العنوان فأغلق أمير الهاتف في وجهه واتجه عائدا الى شقته ..
دلف أمير مسرعا إلى شقته وإتجه نحو غرفة نومه تحت أنظار تالا المتعجبة …
أخرج مسدسه من الخزانة ووضعه داخل جيب بنطاله ثم أجرى إتصالًا سريعا بمجموعة من الرجال الذين إتفق معهم مسبقا على أن يجهزوا أنفسهم للهجوم عليه …
طلب منهم أن ينتظروه عند منزله ثم خرج مسرعا من الشقة غير أبه بنظرات تالا الحائرة وقلقها مما يحدث ..
